بعدك لعب بي هاجسي والتفاكير

بعدك لعب بي هاجسي والتفاكير
لاتعتذر ما للهجر منك تبرير
صدك بليا ذنب والله ظليمه
ماصار لي بعدك يفوق اي تصوير
تجددت كل الجروح السليمه
بعدك لعب بي هاجسي والتفاكير
وقلبن جريح وروح صبن مهيمه
ماغير اسلي خاطري بالمشاوير
اروح وارجع والهواجس مقيمه
ياحبي اللي بين بيض الغنادير
لك في عروش القلب قدر وقيمه
ان كان صدك ماخذك عني الغير
روّح ولو إن الخساير وخيمه
وان كانها عني خذتك المقادير
فالعفو عند المقدره فيه شيمه
يامرحبا والحب كله معاذير
تشفع لك أيام الغرام القديمه
يوم الهوى ليا زارني منك أعصير
أضم في صدري من أجلك نسيمه
واليوم اصبر خاطر الوجد تصبير
واقول صدك عقب وصلك جريمه
وإليا جاك مني ياهوى البال تقصير
مواقفي وياك والله عظيمه
صخرت لك مشاعر الشوق تصخير
وامطرتك بحبن تقفاه ديمه
وظللتك بجفني وصارت مسافير
يوم الغلا بين النديم ونديمه
واليوم ماتنفع كثير المحاذير
تفاقمت بين النفوس الحشيمه
عسى سنينك روض عشب ونواوير
محد لنفسه يرتضي بالهزيمه
إما تخاويني على الشر والخير
والا السلامه منك راس الغنيمه

الراهب ميثرا كتب:

بعدك لعب بي هاجسي والتفاكير
وقلبن جريح وروح صبن مهيمه
ماغير اسلي خاطري بالمشاوير
اروح وارجع والهواجس مقيمه

اختيار رايق ..

صحراء وخيمة و ربابة .. جوو ولا احلى  

[ندعوك للتسجيل في المنتدى أو التعريف بنفسك لمعاينة هذه الصورة]

اختياراتك اليوم كلها بدويه

تسلم ايدك ميثرا على هذي الاختيارات

حلوة كثير ولو انها حزينة وكلها عتاب بس القصيدة روعة

اختيارك جميل جدا
يسلم ذوقك